অসম চৰকাৰ Social Justice and Empowerment Directorate of Welfare of Scheduled Castes and Backward Classes

পোষ্ট মেট্ৰিক জলপানি আঁচনি

কেন্দ্ৰীয়ভাৱে প্ৰযোজিত আঁচনিৰ অধীনত অনুসূচীত জাতিৰ ছাত্ৰ-ছাত্ৰীসকললৈ পোষ্ট মেট্ৰিক জলপানি আগবঢ়োৱা হয়, যি ভাৰত চৰকাৰৰ সামাজিক ন্যায় আৰু সাৱলীকৰণ মন্ত্ৰালয়ে ১০০ শতাংশ অংশীদাৰিত্ব প্ৰদান কৰে। পোষ্ট মেট্ৰিক জলপানিৰ ক্ষেত্ৰতো অনুসূচীত জাতিৰ শিক্ষাৰ্থীৰ মাচুল প্ৰি-মেট্ৰিক শিক্ষাৰ্থীলৈ যিসকলৰ অভিভাৱক অস্বচ্ছ পেছাৰ লগত জড়িত তেওঁলোকলৈ আগবঢ়োৱা জলপানিৰ ধনৰাশিৰ সৈতে একে ব্যৱস্থাৰে আগবঢ়োৱা হয়। জলপানিৰ ধন কোষাগাৰৰ পৰা ডি.ই.পি. নিয়মাৱলী আৰু বেংক ড্ৰাফ্টৰ দ্বাৰা আই.টি.ডি.পি.ৰ প্ৰকল্প সঞ্চালকলৈ পঠোৱা হয় যাতে বেংক খাতাৰ দ্বাৰা মাচুলবোৰ শিক্ষাৰ্থীক দিব পাৰে।জলপানিসমূহ যিবোৰ অনুসূচীত জাতিৰ শিক্ষাৰ্থীৰ অভিভাৱকৰ বছৰি আয় ২,০০,০০০ লাখ টকাতকৈ কম তেওঁলোকলৈ তলত দিয়া হাৰত ভাৰত চৰকাৰ পত্ৰ নং.১১০১৭/০১/২০০৮- SCD-v দিনাংক ৩১/১২/২০১২ৰ দ্বাৰা নিৰ্দ্দেশনা জাৰি কৰা মতে আগবঢ়োৱা হয়।

যিসকল শিশুৰ অভিভাৱক অস্বচ্ছ বৃত্তিৰ লগত জড়িত তেওঁলোকলৈ প্ৰি-মেট্ৰিক জলপানি

এইয়া হৈছে এক কেন্দ্ৰীয়ভাৱে প্ৰযোজিত আঁচনি যত ৰাজ্য আৰু কেন্দ্ৰীয় চৰকাৰৰ ৫০:৫০ অংশীদাৰিত্ব আছে। এই আঁচনিৰ অধীনত অস্বচ্ছ পেছাৰ সৈতে জড়িত অভিভাৱকৰ লৰা-ছোৱালীলৈ প্ৰি-মেট্ৰিক জলপানি প্ৰদান কৰা হয়। আঁচনিখনৰ লক্ষ্য হৈছে সমাজৰ আটাইতকৈ পিছপৰাসকলৰ শৈক্ষিক মানদণ্ড উন্নত কৰা।

জলপানিৰ মাচুল নিয়মিতভাৱে দিয়া হয়। ছাত্ৰ-ছাত্ৰীৰ তালিকাৰ সৈতে মহকুমা কল্যাণ কাৰ্য্যালয়ৰ পৰা প্ৰস্তাৱ লাভ কৰাৰ পাছত সঞ্চালকালয়ে ডি.এফ.পি. নিয়মাৱলী অনুসৰি অনুমোদন জনায়। আঁচনিৰ অধীনত অনুমোদিত বিল কোষাগাৰত দাখিল কৰা হয় যাতে অনুমোদিত ধনৰাশি মুকলাই দিয়ে আৰু সংশ্লিষ্ট মহকুমা কল্যাণ বিষয়াৰ নামত বেংক ড্ৰাফ্ট/বেংকাৰ চেক প্ৰস্তুত হয়। সঞ্চালকালয়ৰ নিজা বেংক খাতা নথকাৰ বাবে এই নিয়মেৰে যাব লগা হয়।

এইদৰে প্ৰস্তুত হোৱা বেংক ড্ৰাফ্ট বেংক খাতাৰ যোগেদি ছাত্ৰ-ছাত্ৰীক বিতৰণ কৰাৰ নিৰ্দ্দেশাৱলীৰে মহকুমা কল্যাণ কাৰ্য্যালয়লৈ পঠোৱা হয়।

মাহিলী জলপানিৰ হাৰ:

জলপানিসমূহ কেৱল বেংক থাতাৰ জৰিয়তেহে প্ৰদান কৰা হয়।

বাবু জগজীৱন ৰাম ছাত্ৰাৱাস যোজনাৰ অধীনত আৱাস নিৰ্মাণ

বাবু জগজীৱন ৰাম ছাত্ৰাৱাস যোজনাৰ অধীনত অনুসূচীত জাতিৰ ছাত্ৰীৱাস নিৰ্মাণ

এই আঁচনিয়ে ৰাজ্যৰ অনুসূচীত জাতিৰ ছোৱালী শিক্ষাৰ্থীলৈ ছাত্ৰীবাসৰ সুবিধা প্ৰদান কৰে। এইটো ১০০ শতাংশ কেন্দ্ৰীয় সাহাৰ্য্যৰে এটা কেন্দ্ৰীয়ভাৱে প্ৰযোজিত আঁচনি। শিক্ষানুষ্ঠানে প্ৰতি অনুসূচীত জাতিৰ আৱাস নিৰ্মাণৰ খৰচ এনেধৰণৰ:

বাবু জগজীৱন ৰাম ছাত্ৰাৱাস যোজনাৰ অধীনত ছাত্ৰাৱাস নিৰ্মাণ

এই আঁচনিয়ে ৰাজ্যৰ অনুসূচীত জাতিৰ ছাত্ৰলৈ ছাত্ৰাবাসৰ সুবিধা প্ৰদান কৰে। এইটো ১০০ শতাংশ কেন্দ্ৰীয় সাহাৰ্য্যৰে এটা কেন্দ্ৰীয়ভাৱে প্ৰযোজিত আঁচনি আৰু ইয়াক বাবু জগজীৱনৰাম ছাত্ৰাবাস যোজনা নামেৰে নামাকৰণ কৰা হৈছে। অনুসূচীত জাতিৰ আৱাস নিৰ্মাণৰ বাবে হোৱা ব্যয় তলত উল্লেখ কৰা ধৰণৰ:

অত্যাচাৰ প্ৰতিৰোধী আইন

ৰাজ্যত আঁচনিখন ১৯৯৫ বৰ্ষত আৰম্ভ কৰা হয়। ৰাজ্যিক আৰু কেন্দ্ৰীয় চৰকাৰৰ মাজত ৫০:৫০ অংশীদাৰিত্বৰে ই এক কেন্দ্ৰীয়ভাৱে প্ৰযোজিত আঁচনি। এই আঁচনিখনৰ উদ্দেশ্য হৈছে অনুসূচীত জাতি/অনুসূচীত জনজাতিৰ জনসাধাৰণৰ ওপৰত চলা অত্যাচাৰৰ বিৰুদ্ধে ৰক্ষণাবেক্ষণ দিয়া। কোনোধৰণৰ পুঁজি যোৱা তিনি বছৰত অনুমোদিত হোৱা নাই।

অনুসূচীত জাতিৰ জনসাধাৰণৰ নাগৰিক অধিকাৰ আইনৰ ৰক্ষণাবেক্ষণৰ ক্ষেত্ৰত অসমৰ এক সুন্দৰ নথি লেখ্য আছে। ৰাজ্যখনত জাতি-বৰ্ণক লৈ বৈষম্যমূলক ঘটনা আৰু নাগৰিক অধিকাৰ খৰ্বৰ খুব কম ঘটনা দেখিবলৈ পোৱা যায়। অনুসূচীত জাতি/অনুসূচীত জনজাতিকলৈও ভিন্ন প্ৰকাৰৰ অত্যাচাৰৰ ঘটনা প্ৰায় নগন্য বুলিব পাৰি। ৰাজ্য চৰকাৰ অনুসূচীত জাতি-জনজাতিৰ কল্যাণক লৈ যথেষ্ঠ সচেতন আৰু সতৰ্ক আৰু সেইকাৰণে অসামৰিক আধিকাৰ আইনৰ ৰক্ষণাবেক্ষণ, ১৯৫৫ আৰু অনুসূচীত জাতি/অনুসূচীত জনজাতিৰ আত্যাচাৰ প্ৰতিৰোধী আইন, ১৯৮৯ ক ৰূপায়ন কৰাৰ ক্ষেত্ৰত তলত উল্লেখ কৰা ধৰণেৰে যথাযথ ব্যৱস্থা গ্ৰহণ কৰি আহিছে-

• মাননীয় মুখ্যমন্ত্ৰীৰ সভাপতিত্বত এখন ৰাজ্যিক পৰ্য্যায়ৰ ভিজিলেন্স আৰু পৰ্য্যবেক্ষণ কমিটি গঠন।
• আৰক্ষী সঞ্চালক প্ৰধানৰ সভাপতিত্বত অনুসূচীত জাতি সুৰক্ষা কোষৰ গঠন।
• জিলা আৰু মহকুমা পৰ্য্যায়ত আইনী সহায়ক কমিটি গঠন।
• সংশ্লিষ্ট মন্ত্ৰীৰ সভাপতিত্বত ৰাজ্যিক পৰ্য্যায়ৰ উপদেষ্টা পৰিষদ গঠন।
• মহকুমা পৰ্য্যায়ৰ অনুসূচীত জাতি উন্নয়ন বোৰ্ড।
• আইনসমূহ নিয়মনিষ্ঠভাৱে ৰূপায়ন হৈছেনে নাই তাক নিৰীক্ষণৰ বাবে বিশেষ বিষয়া আৰু নোডাল বিষয়াৰ নিযুক্তি।

অনুসূচীত জাতিৰ যোগ্যতাৰ নবীকৰণ

১০০ শতাংশ কেন্দ্ৰীয় সাহাৰ্য্যৰে ই এক কেন্দ্ৰীয় আঁচনি।আঁচনিখনৰ লক্ষ্য হৈছে অসমৰ বিভিন্ন শৈক্ষিক প্ৰতিষ্ঠানসমূহত বিশেষ পাঠদানৰ যোগেদি অনুসূচীত জাতিৰ ছাত্ৰ-ছাত্ৰীৰ যোগ্যতাৰ মান উন্নত কৰা।

বিত্তীয় বৰ্ষ ২০০৮-০৯ৰ পৰা ২০১১-১২ৰ সময়ছোৱাত এই আঁচনিৰ আবণ্টন ব্যয় আৰু সাফল্য এনেধৰণৰ-:

অনুসূচীত জাতিৰ বাবে প্ৰশিক্ষণ আৰু সংযুক্ত আঁচনি

বঞ্চিত গৃহ আৰু অসুবিধাজনক পৰিবেশৰ পৰা অহা অনুসূচীত জাতিৰ মানুহৰ বাবে সামাজিক আৰু অৰ্থনৈতিকভাৱে সুস্থিৰ পৰিবেশৰ পৰা অহা সকলৰ সৈতে প্ৰতিযোগিতা কৰাটো কঠিন। সেয়েহে সঞ্চালকালয়ে প্ৰশিক্ষণ আৰু সংযুক্ত আঁচনিৰ ৰূপায়নৰ বাবে প্ৰস্তাৱ আগবঢ়ায়। এই আঁচনিৰ উদ্দেশ্য হৈছে বিভিন্ন পদ আৰু সেৱাত অনুসূচীত জাতিৰ প্ৰতিনিধিয়ে যাতে উন্নত প্ৰদৰ্শন আগবঢ়াব পাৰে তাৰ বাবে অনুসূচীত জাতিৰ প্ৰাৰ্থীক ইউ.পি.এছ.চি আৰু অসম লোক সেৱা আয়োগৰ পৰীক্ষা আৰু আন নিযুক্তি বিষয়ক প্ৰতিযোগিতামূলক পৰীক্ষাৰ বাবে প্ৰাক-পৰীক্ষাৰ প্ৰশিক্ষণ দিয়া।

প্ৰধান মন্ত্ৰী আদৰ্শ গ্ৰামীণ যোজনা

কেন্দ্ৰ আৰু ৰাজ্যৰ ৫০:৫০ ব্যয় ৰাশিৰ অংশীদাৰিত্বৰে অনুসূচীত জাতি অধ্যুষিত অঞ্চলৰ সংহত বিকাশৰ বাবে ই এক কেন্দ্ৰীয় খণ্ডৰ আঁচনি। অসম চৰকাৰে ২০০৯-১০ বৰ্ষত আৰম্ভ হোৱা নতুন আঁচনি- প্ৰধান মন্ত্ৰী আদৰ্শ গ্ৰামীণ যোজনাৰ অধীনত সম পৰিমাণৰ অংশ আগবঢ়াই ১০০ খন আদৰ্শ গাওঁ প্ৰতিষ্ঠাৰ আশা কৰিছে। ১০১০.০০ লাখ টকাৰ আবণ্টনেৰে আঁচনিখন নগাওঁ আৰু মৰিগাওঁ জিলাত অগ্ৰণী প্ৰকল্প হিচাপে আৰম্ভ কৰা হৈছে। ভূমি জৰীপ আৰু গাওঁ পৰিকল্পনাৰ প্ৰকল্প ইতিমধ্যে সম্পন্ন হৈছে। ১০১০.০০ লাখ টকাৰ ৰাজ্যিক অংশৰ প্ৰস্তাৱ ২০১১-১২ বৰ্ষৰ বাজেট প্ৰস্তাৱত অন্তৰ্ভূক্ত কৰা হৈছে।

২০১০-১১ ৰ পৰা ২০১১-১২ বিত্তীয় বৰ্ষত এই আঁচনিৰ অধীনত আবণ্টিত ব্যয় আৰু সাফল্য এনেধৰণৰ-: